રામદેવપીરની ટૂંકી જીવનગાથાi
રામદેવપીર (ગુરુ બાવાબાળનાથ)
એક વખત રામ લક્ષ્મણ અને સીતાજી બેઠા હસતા ત્યારે સીતાજીએ વડા ધર્મની વાત સમજાવતા રામને કહ્યું હતું. આ વખતે રામચંદ્રજીએ કહ્યું હતું કે બે જન્મનો સમય પસાર કર્યા બાદ હું રામદેવજી તરીકે પ્રગટ થઈશ અને આ વખતે લક્ષ્મણજી વીરમ તરીકે હશે અને સીતાજી નેતલદે તરીકે હશે તે સમયે મહામંત્ર એટલે કે નીજિયા ધર્મ, વડોધર્મ કે સનાતન ધર્મ શું છે? તે વાત હું તમને સમજાવીશ. રામચંદ્રજીએ અગાઉ આપેલ વચન નીભાવવા માટે વિષ્ણું સતયુગી હોવાથી જ તેના અવતારની પરંપરા ચાલુ રહી છે તેથી અગાઉ જણાવેલ વિગત મુજબ રાજા અજમલજીને ઘેર લક્ષ્મણજી વીરમ તરીકે અવતાર ધારણ કરે છે અને સવા વર્ષ બાદ વિષ્ણું ખુદ અજમલજીને ત્યાં કુમ કુમ પગલે પધારી પારણીયામાં પોઢી જાય છે.
રામદેવજી વિશે એવું પણ જાહેર થયેલ છે કે તેઓ સાગર મેઘવાળને ઘેર જન્મ ધારણ કરે છે અને રાજા અજમલજી તેના જન્મ થયા બાદ ટૂંક સમયમાં પોતાને ઘેર લઈ જઈ તેને પારણીયામાં પોઢાડીને જાહેર કરે છે કે પરમાત્મા ખુદ આવીને પારણીયે પોઢી ગયા છે તેથી તે અજમલના પુત્ર હતા તેવું જાહેર થયેલ છે. રાજા અજમલજીએ જ્યારે પરમાત્માને કહ્યું કે મારે તમારા જેવા પુત્રની જરૂર છે તે સમયે ભગવાને વચન આપ્યું કે હું સાગર મેઘવાળને ઘેર જન્મ ધારણ કરીશ અને ત્યાંથી તમે મને લઈ જજો. રાજા રામદેવજીને નકલંગનો અવતાર માનવામાં આવે છે. આ વખતે મહામંત્રની વાત વીરમને સમજાવે છે અને નિઃજાર પંથની સ્થાપના કરે છે. આ પંથ કે ધર્મને મહાધર્મ, નિજધર્મ, વડોધર્મ, ની:જારપંથ, આદિધર્મ કે વડાધર્મના નામે ઓળખાય છે તેને સનાતન ધર્મ કે મહામંત્રના નામથી પણ ઓળખવામાં આવે છે.
રામદેવજી મહારાજ પોકરણગઢમાં પધારી નેતલદે સાથે લગ્ન કરી અનેક નર નારીઓને તારિને પોતે સમાધી લઈ પોતાનો જીવન કાળ પૂર્ણ કરી ચાલ્યા જાય છે. જ્યારે રામદેવજી મહારાજને સમાધી લેવાનો સમય આવી જાય છે ત્યારે તુંવરા રજપૂતોને કહે છે કે બ્રહ્માજી જેવા દેવો આવી તમને સમાધી ખોલવાનું કહે તો પણ ખોલશો નહીં. જો નહીં ખોલવામાં આવે તો હું દર ત્રીજા પેઢીએ તુંવરા કુળમાં આવી જન્મ ધારણ કરીશ. રામદેવજી અવર નવર પ્રમાણો આપે છે તેથી આ શું છે તે વાત જાણવા રામદેવજીને હરભુજીએ આ વાતની જાણકારી આપવા કહે છે તે વખતે રામદેવજી કહે છે કે સમય મળશે તે સમયે હું તમને આ વાત સમજાવીશ. આ વાત સમજાવવાનો મોકો તેમને પોતાના જીવન સમય ન મળતા રામદેવજીનો અંત સમય આવતા તે સમાધી લઈ લે છે. બીજા દિવસે હરભુજી રણુંજા આવવા નીકળે છે પણ રામદેવજીએ સમાધી લઈ લીધી હોય છે તેની હરભુજીને જાણકારી ન હતી. રામદેવજી પોતાના વચનનું પાલન કરવા રસ્તામાં હરભુજીને મળે છે. આ વખતે ગોદડો અને તુલસીની માળા આપી કહે છે કે તમે રણુંજા જાવ અને હું હમણા આવું છું.
હરભુજી રણુંજા જવા રવાના થાય છે અને રણુંજા પહોંચતા સમાચાર મળે છે કે રામદેવજીએ બે દિવસ અગાઉ સમાધી લઈ લીધેલ છે. આવા સમાચાર મળતા હરભુજી કહે છે કે હમણા જ રામદેવજી મને મળેલ છે અને આ નિશાની આપેલ છે તેમ કહી જે વસ્તુઓ આપેલ હતી તે તમામ વસ્તુઓ રામદેવજી સાથે સમાધીમાં મુકવામાં આવેલ હતી તો આ વસ્તુઓ આવી ક્યાંથી? આવી ઘટના ઘટતા તુંવરા રજપૂતોને શંકા ઊભી થાય છે તેથી તેની ખાત્રી કરવા સમાધી ખોલવાનો પ્રયત્ન કરે છે. જ્યારે સમાધી ખોલવામાં આવે છે તે સમયે ગેબીનાદ થાય છે કે હું હવે તમારા કુળમાં અવતાર ધારણ કરીશ નહીં કારણ કે તમે વચનનો ભંગ કર્યો છે તેથી તમે સુખી થશો નહીં.
આ સમયે રામદેવજી આગમ ભાખતા જાય છે તે આગમવાણી હાલ ભક્તોના મુખેથી સાંભળવા પણ મળે છે અને તેમાં જણાવેલ હકીકતના પ્રમાણો પણ જોવા મળે છે. રામદેવજીને સમાધી આપવા સમાધીનો ખાડો તૈયાર કરવામાં આવે છે તે સમયે આ વાતની જાણકારી ડાલીબાઈને મળતા તે આ સ્થળે આવે છે અને રામદેવપીરને કહે છે કે તમારે જે સ્થળે સમાધી લેવાની છે તે સ્થળ મારું છે. રામદેવજી કહે છે કે બહેન તમારે પ્રમાણ આપવું પડશે? ડાલીબાઈ કહે છે કે આ સ્થળેથી જો તેલ કટોરો અને કાંસકો નીકળે તો મારી સમાધી છે તેવું માનજો તેથી વધારે સમાધી ગાળતા તેમાંથી પ્રમાણ મળી જાય છે તેથી આ સ્થળે પહેલા ડાલીબાઈ સમાધી લે છે અને બીજા દિવસે રામદેવજી સમાધી લે છે. રામદેવજીએ સમાધી લીધા પહેલા પોતાના પોકરણગઢનું રાજ પોતાના કાકાની દીકરીઓ લાસા લક્ષ્મી અને સગુણાને કાપડામાં આપે છે અને રામદેવજી રામદેવરા નામનું ગામ વસાવે છે તેને રણુંજા તરીકે ઓળખવામાં આવે છે.
રામદેવજીનો જય
સંતમાર્ગ
વાંચો • વિચારો • જીવો 🌿